ევროპულ-ქართული ინსტიტუტის გუნდმა ახალი ინტერაქციული თამაში – „არჩევნეთი“ (Electionville) ჩიბათის საჯარო სკოლის მოსწავლეებს გააცნო.
„არჩევნეთი“ არის საგანმანათლებლო თამაში, სადაც მონაწილეები საკრებულოს წევრების როლს ირგებენ და გადაწყვეტილების მიღების სიმულაციურ პროცესში ერთვებიან.
თამაშის განმავლობაში მოსწავლეებს უწევთ როგორც საკუთარი თემისთვის მნიშვნელოვან პრობლემებზე დაფიქრება, ასევე საკუთარი შეხედულებების არგუმენტირებული დასაბუთება, პოლიტიკური ალიანსების შექმნა და საბოლოო გადაწყვეტილებისთვის კონსენსუსის მოძიება საკუთარი ქალაქის სასიკეთოდ.
„არჩევნეთი“ სკოლის მოსწავლეებს თვითმმართველობის საკითხების მარტივად გააზრებისა და საკრებულოებში მიმდინარე პროცესების სიღრმისეულად გაცნობიერების საშუალებას აძლევს.
განსაკუთრებული მადლობა ჩიბათის საჯარო სკოლას, მის დირექციასა და სამოქალაქო განათლების მასწავლებელს – ლადო აფხაზავას მასპინძლობისთვის.
თამაში შექმნილია შვედეთის ინსტიტუტის მიერ და ქართულად დაიბეჭდა საქართველოში შვედეთის საელჩოს მხარდაჭერით.
დაფინანსებულია საქართველოში აშშ-ის საელჩოს ალუმნი საგრანტო პროგრამის ფარგლებში.

კომენტარის დატოვება

თქვენი ელფოსტის მისამართი გამოქვეყნებული არ იყო.

This site uses Akismet to reduce spam. Learn how your comment data is processed.