განცხადება 20-21 ივნისის ღამის მოვლენბეთან დაკავშირებით

ევროპულ-ქართული ინსტიტუტის განცხადება 20-21 ივნისის ღამის მოვლენბეთან დაკავშირებით

• უპირველეს ყოვლისა ვუსურვებთ სწრაფ გამოჯანმრთელებას 20-21 ივნისის ღამით დაშავებულებს.
• ხაზს ვუსვამთ, რომ საზოგადოების სამართლიანი, მშვიდობიანი პროტესტი არის დემოკრატიული საზოგადოებისა და კაცობრიობის ერთ-ერთი უმნიშვნელოვანისი მიღწევა.
• ვიზიარებთ რა პროტესტის სამართლიან და ღირსეულ მიზეზს, ჩვენთვის სრულიად მიუღებელია საკონსტიტუციო წესრიგის დამხობისკენ მიმართული მოწოდებები.
• მოვუწოდებთ საქართველოს ხელისუფლებას, გამოიკვლიოს და სათანადო პოლიტიკური პასუხისმგებლობა დააკისროს ყველა იმ პოლიტიკური თუ საჯარო თანამდებობის პირს, რომელთა ქმედებებმა გამოიწვია საზოგადოების სამართლიანი პროტესტი.
• ვიმედოვნებთ, რომ სახელმწიფო სამსახურები სათანადოდ გამოიკვლევენ სამართალდამცველების მხრიდან ძალის შესაძლო არაპროპორციული გამოყენებისა და გადაჭარბების შემთხვევებს.
• მიუღებელია ჟურნალისტებისთვის საკუთარი პროფესიული საქმიანობის შესრულების დროს ხელის შეშლის მცდელობები და მათზე ძალადობა. ვიმედოვნებთ, რომ ჟურნალისტებზე შესაძლო ძალადობისა და პროფესიული საქმიანობის შესაძლო ხელის შეშლის ფაქტები სათანადოდ იქნება გამოძიებული, ხოლო დამნაშავეები, დანაშაულის დამტკიცების შემთხვევაში, სათანადოდ დაისჯებიან.
• მოვუწოდებთ საქართველოს ხელისუფლებას, უზრუნველყოს პოლიციელების წინააღმდეგ და ძალადობისკენ მოწოდებების გამოძიებისას გამჭვირვალეობის მაღალი სტანდარტის უზრუნველყოფა.