წყალტუბოში კამპანია „კონსტიტუციის დღე 2017“-ის ფარგლებში ადგილობრივმა ახალგაზრდებმა კონსტიტუციის პოპულარიზაციის მიზნით პროექტი ჩაატარეს. ქალაქ წყალტუბოში გუნდი “სამართალის” პროექტი მოიცავდა რამდენიმე აქტივობას, რომელიც ერთმანეთის პარალელურად მიმდინარეობდა ქალაქსა და მიმდებარე სოფლებში. პირველი აქტივობა იყო მოსახლეობის გამოკითხვა თუ რა იცოდნენ კონსტიტუციის შესახებ , რა მოსწონთ, რას შეცვლიდნენ მასში, და ა.შ.
აღნიშნული გამოკითხვის შედეგად დამზადდა ვიდეორგოლი. შემდეგი აქტივობის ფარგლებში კონსტიტუციის მეორე თავის მუხლების მოტივებზე შეიქმნა ილუსტრაციები, ხოლო 23 აგვისტოს ქალაქში მოეწყო ამ ნამუშევრების გაამოფენა.