საქართველოს პრეზიდენტს არ დაურღვევია კონსტიტუცია, როდესაც ევროკავშირის ქვეყნების დედაქალაქებში ვიზიტით იმყოფებოდა.

საქართველოს კონსტიტუცია უზღუდავს საქართველოს პრეზიდენტს მთავრობის თანხმობის გარეშე საგარეო ურთიერთობებში წარმომადგენლობითი ფუნქციების განხორციელებას. მიუხედავად ამისა:

  • პრეზიდენტმა გააუქმა ყველა ოფიციალური ვიზიტი და პირადი კონტაქტების გამოყენებით შეხვდა უცხო ქვეყნების წარმომადგენლებს;
  • მისი შეხვედრების მიზანი იყო საქართველოს ინტეგრაცია ევროკავშირში, რომელიც საქართველოს კონსტიტუციით განსაზღვრული ვალდებულებაა ყველა კონსტიტუციური ორგანოსთვის, მათ შორის, პრეზიდენტისთვის;
  • პრეზიდენტის განხილვის საგანი არ ყოფილა საქართველოსთვის რაიმე ვალდებულების დაკისრება ან საერთაშორისო ხელშეკრულებათა ხელმოწერა ან დენონსირება.

ამგვარად, პრეზიდენტის მიმართ სამართლებრივი წარმოება მოკლებულია ყოველგვარ იურიდიულ საფუძველს. ევროპულ-ქართული ინსტიტუტი მოუწოდებს ყველა სახელმწიფო ინსტიტუტს შეასრულონ ქართველი ხალხის მოთხოვნა და კოორდინირებულად იმუშაონ ევროპულ და ევროატლანტიკურ ორგანიზაციებში ინტეგრაციისთვის.

კომენტარის დატოვება

თქვენი ელფოსტის მისამართი გამოქვეყნებული არ იყო.

This site uses Akismet to reduce spam. Learn how your comment data is processed.